2025 жылдан бастап қоршаған ортаға теріс әсер ету ақысы бойынша өзгерістер болды.

          Өзгерістер әсер етті:

           * Стационарлық көздерден ластаушы заттар шығарындылары үшін төлемақы мөлшерлемелері;

           * Ластаушы заттардың төгінділері үшін төлемақы мөлшерлемелері;

           * Өндіріс және тұтыну қалдықтарын көму үшін төлемақы ставкалары.           Коммуналдық қалдықтарды (қатты тұрмыстық қалдықтар мен кәріздік тазарту құрылыстарын) көму жөніндегі ставкаларды қоспағанда, жергілікті өкілді органдардың оларға ставкаларды 2 еседен артық көтеруге мүмкіндік беретін функциясы алынып тасталды.

          Сондай-ақ, "Салық және бюджетке төленетін басқа да міндетті төлемдер туралы" Қазақстан Республикасы Кодексінің 577-бабының 3-тармағында жекелеген төлеушілер қоршаған ортаға теріс әсер ететін, олар бойынша кешенді экологиялық рұқсат қолданылмайтын объектілер бойынша төлемақы сомасын есептеу кезінде төлемақы ставкаларына коэффициенттерді қолдануды өзгерту бөлігінде өзгерістер болды.

          Сонымен қатар, Қазақстан Республикасының Экологиялық кодексіне сәйкес айқындалған I, II, III санаттағы объектілердің операторлары төлемақы төлеушілер болып табылатынын жеткіземіз.

          Шаруа немесе фермер қожалықтары үшін арнаулы салық режимін қолданатын, шаруа немесе фермер қожалықтары үшін арнаулы салық режимі қолданылатын қызметті жүзеге асыру нәтижесінде туындайтын қоршаған ортаға теріс әсер ететін салық төлеушілер төлемақы төлеушілер болып табылмайды.